【吃貨好去處】嚐盡地道美食之天堂「芽籠」|新加坡美食|開團

講起芽籠(Geylang),好多人都知係新加坡嘅合法紅燈區~

但只要行入單數巷,你就會發現一個不夜天嘅美食天堂!

呢度匯聚咗好多新加坡特色美食,由早餐到晚餐都有,而且越夜越熱鬧!

小編都有四大芽籠美食想推介,你又食過未呢?

榴槤

嚟到新加坡想食榴槤?咁一定要去芽籠!

喺芽籠大街,你總會見到幾個榴槤攤位~

一年365日都賣緊榴槤,仲有唔少客人坐低細嚐榴槤添~

通常由中午12:00開始營業至凌晨,有機會你都要過嚟試吓啊!

胡椒蟹 辣椒蟹

體型龐大嘅斯里蘭卡蟹!

蟹肉超飽滿,味道鮮甜帶微辣!

大大啖放入口,滋味十足!

食辣蟹又點可以錯過辣醬呢?

將外皮焗到金黃色嘅小饅頭,配辣醬一齊食,真係好食到停唔到口!

福建炒麵

麵條粗幼適中,食落好彈牙,仲散發著淡淡嘅蛋香~

因為麵係用炭火煮嘅關係,所以食嘅時候仲會聞到陣陣炭香味添!

配料亦好豐富,有鮮蝦、豬肉、芽菜等等~

令人一試難忘!

沙嗲串燒

宵夜坐喺露天攤檔下,同一班朋友一邊傾偈 ,一邊食著串燒、飲啤酒~

絕對係人生一大享受啊!

© Copyright 2019 Global Alliance Networks Limited. All Rights Reserved